Режисерското деби на сценаристот Ерик Хајсерер, кој за овој криминален трилер го напиша и сценариото, воедно е и последниот филм на трагично починатиот Пол Вокер, кого нема да го паметиме само од циклусот филмови „Брзи и бесни“ и другите филмови што ги сними во својата кариера, туку и по оваа приказна за преживувањето – за мажот кој за време на катастрофа мора да ја донесе одлуката на животот, кога секоја секунда е важна. Филмот ја опишува неговата внатрешна борба по смртта на неговата сопруга при породувањето и борбата за животот на неговата новородена ќерка за време на ураганот Катрина, која дише со помош на респиратор...