Џо (Н. Кејџ) е платен убиец кој зад себе има долга „кариера“ и е многу ценет. Тој е на тајна мисија во Бангкок, каде што во рок од еден месец мора да убие четворица мафијаши и нивниот шеф, озлогласениот Сурат (Н. Каљаруек). За полесно да се снајде, тој најмува ситен крадец од Конго (С. Јамнарм) за да му помогне во некои поедноставни задачи. Иако првенствено има намера да го убие Конго, Џо се спријателува со него на необичен начин и решава да го поштеди, особено затоа што сфаќа дека младиот човек има многу информации што му се потребни. Убавината на Бангкок почнува да го фасцинира Џо сѐ повеќе и повеќе, а кога ќе запознае атрактивна продавачка од блиската продавница, тој решава да ја напушти задачата. Сепак, тоа не значи дека Сурат се откажува од криминалните потфати ...