Група хуманитарни работници се обидува да извади труп од бунар во зона на вооружени конфликти. Телото е фрлено во бунар за да се загади водата и да се прекине водоснабдувањето на локалното население. Меѓутоа, околностите набрзо ја претвораат едноставната задача во невозможна мисија. Протагонистите минуваат низ избезумениот воен пејзаж како заморчиња во лавиринт, од кој можеби нема излез. Војна во војна, во која единствен непријател би можела да биде ирационалноста. Кризата што се обидуваат да ја решат е хуманитарна, но тие се само луѓе. Хумор, драма, нежност, рутина, опасност, надеж: сето тоа се вклопува во нивниот „совршен ден“…