Филмот е снимен според истоимениот роман на Роберт Херис, а ја следи приказната за бившиот британски премиер Адам Ленг (Пирс Броснан), кој треба да ги напише своите мемоари. Кога неговиот соработник ќе се удави, на островот ќе дојде новиот писател (Ијан Мекгрегор), кој треба да ја заврши книгата. Но и тој наскоро ќе биде вовлечен во политички и сексуални интриги, а на Ленг му се заканува судење за воени злосторства.