Што беше сега ова?
What Just Happened
Како фуриозна воденица која меле сѐ што ќе ѝ наиде, тече една недела од животот на продуцентот Бен (Р. Де Ниро), кој се бори со режисерот Брунел (М. Винкот) да се согласи на промени во филмот, бидејќи во спротивно, филмот нема да се прикажува во Кан и сите ќе изгубат милиони долари, што шефицата на студиото, Лу Тарноу (К. Кинер) нема да го дозволи. Тој се бори и со ѕвездата на неговиот нов филм, Брус Вилис, кој се здебелил и не сака да ја избричи брадата, иако изгледа како Гризли Адамс, а не како Брус, миленикот на публиката. Ќерката на Бен од првиот брак има насолзени очи и не сака да каже што и е, а последната сопруга на Бен, со која живеат разделени, иако се уште се сакаат - го изневерува со писател кој Бен го препознава по чорап заборавен под креветот. Згора на сѐ е и смртниот страв од неуспех...